ఏపీలోని రైతులకు కీలక అలర్ట్.. అకౌంట్లో రూ.6000 పడాలంటే ఇది తప్పనిసరి! | PM Kisan Farmer Registry Process AP

ఆంధ్రప్రదేశ్‌లో PM Kisan Farmer Registryపై వ్యవసాయ శాఖ కీలక సూచనలు చేసింది. పీఎం కిసాన్ పథకం కింద ఏడాదికి మూడు విడతల్లో మొత్తం రూ.6,000 పొందాలంటే రైతులు ఫార్మర్ రిజిస్ట్రీలో నమోదు చేసుకోవాలని వ్యవసాయ శాఖ డైరెక్టర్ జిలానీ తెలిపారు. ఈ నమోదు ద్వారా రైతుల వివరాలను వ్యవసాయ సంబంధిత ప్రభుత్వ వ్యవస్థలతో అనుసంధానం చేయనున్నారు.

PM Kisan Farmer Registryలో నమోదు తప్పనిసరి

రాష్ట్రంలో పీఎం కిసాన్ పరిధిలో 64.71 లక్షల మంది రైతులు ఉన్నారని, వారిలో 52.06 లక్షల మంది మాత్రమే ఫార్మర్ రిజిస్ట్రీలో నమోదైనట్లు శాఖ వెల్లడించింది. మిగిలిన రైతులు ఆలస్యం చేయకుండా రిజిస్ట్రేషన్ ప్రక్రియను పూర్తి చేసుకోవాలని సూచించింది. వ్యవసాయ శాఖకు చెందిన APAIMS 2.0లో రైతుల వివరాలను సమగ్రంగా నిర్వహించే విధానం రూపొందించబడింది.

PM Kisan Farmer Registry కోసం రైతులు సమీపంలోని రైతు సేవా కేంద్రాన్ని సంప్రదించవచ్చు. అలాగే APAIMS 2.0 యాప్ ద్వారా కూడా నమోదు చేసుకునే అవకాశం ఉందని వ్యవసాయ శాఖ సూచించింది. APAIMS 2.0లో రైతుల గుర్తింపు, భూమి వివరాలు, పంట వివరాలు, బ్యాంకు ఖాతా వంటి వ్యవసాయ సంబంధిత సమాచారాన్ని అనుసంధానం చేసే వ్యవస్థను అభివృద్ధి చేస్తున్నారు.

👉 APలో ఫ్రీ హోల్డ్ భూముల రిజిస్ట్రేషన్లకు గ్రీన్ సిగ్నల్

👉 రైతులకు కీలక అప్‌డేట్..పీఎం కిసాన్ రూ.10,000 పెంపు కేంద్రం క్లారిటీ

పీఎం కిసాన్ కింద అర్హత ఉన్న రైతులకు కేంద్ర ప్రభుత్వం సంవత్సరానికి రూ.6,000ను DBT విధానంలో బ్యాంకు ఖాతాలకు జమ చేస్తుంది. ఏపీ వ్యవసాయ శాఖ కూడా రైతుల వివరాల నమోదు, ధ్రువీకరణ, పథకాల అమలుకు డిజిటల్ వ్యవస్థలను ఉపయోగిస్తోంది. అందువల్ల PM Kisan Farmer Registry నమోదు పూర్తికాని రైతులు సమీప రైతు సేవా కేంద్రాన్ని సంప్రదించి తమ వివరాలు నమోదు చేయించుకోవాలని అధికారులు సూచించారు.